​           Зэвсэгт хүчний 339 дүгээр анги нь Монгол Улсын Ерөнхийлөгч, Зэвсэгт хүчний Ерөнхий командлагчийн нэрэмжит төрийн цэргийн болон хууль сахиулах байгууллагуудын алба хаагчдын ёс зүй, бие бялдрын бэлтгэлжилтийн түвшин тогтоох хоёрдугаар шатны үзлэгт энэ сарын 28-ны өдөр батлагдсан удирдамжийн дагуу хамрагдлаа. ​

           Тус үзлэгийг БИЦУГ-ын даргын тушаалаар томилогдсон ажлын хэсэг жагсаалын үзлэгээр эхэлж, дүрэмч жагсаалч байдал, бие бялдрын бэлтгэлжилтийн түвшин, ёс зүй болон сэтгэл зүйн байдлыг тодорхойлох асуумжаар шалгаж үнэлэв. ​

           Ангийн гүйцэтгэх үүргийн онцлогоос шалтгаалан бүтээн байгуулалтын ажилд томилогдсон, сургууль дамжаанд суралцаж байгаа алба хаагчдаас бусад бүрэлдэхүүн уг үзлэгт хамрагдлаа.

Дэслэгч М.Анхжаргал