Төрийн цэргийн болон хууль сахиулах байгууллагуудын алба хаагчийн ёс зүй, бие бялдрын бэлтгэлжилтийг дээшлүүлэх хөтөлбөрийн хэрэгжилтийг хангах ажлын хүрээнд Монгол Улсын “Цэргийн нийтлэг дүрмүүд”-ийг Барилга-инженерийн цэргийн удирдах газрын бие бүрэлдэхүүнд сурталчлах, тэдний дүрмийн мэдлэгийг нэмэгдүүлэх, бататгах зорилгоор “1 долоо хоногт 1 дүрэм судалъя” аяныг зохион байгуулж байна.

    Энэ аяны хүрээнд хэлтэс, албадын цэргийн алба хаагчдын дунд “Цэргийн дотоод албаны дүрэм”-ээр асуулт, хариултын тэмцээнийг явуулж, үр дүнг тооцон ажиллалаа.

   Цаашид офицер, ахлагчийн цэргийн дүрмийн мэдлэгийг нэмэгдүүлэн бататгах, албандаа хэвшүүлэх зорилгоор 7 хоног бүр цэргийн дүрмээр төрөл бүрийн тэмцээн уралдааныг зохион байгуулахаар төлөвлөн ажиллаж байна.

Хошууч Б.АНУЖИН