Зэвсэгт хүчний 256 дугаар анги "Залуу офицеруудын манлайллын жил", Зэвсэгт хүчний үйл ажиллагааг сурталчлан таниулах, иргэн-цэргийн харилцааг бэхжүүлэх ажлын хүрээнд Арвайхээр хотын Ерөнхий боловсролын сургуулиудын 11 дүгээр ангийн 180 сурагчдад “Залуу үе-Эх оронч ирээдүй” арга хэмжээг зохион байгуулж явууллаа.

  Сурагчдад ахлах дэслэгч Б.Мягмардорж “Манлайлагч ба удирдагч”, ахмад Ц.Донойхүү “Цэргийн алба түүний утга учир”, ахмад Э.Отгон “Залуу үеийн цахим орчны зохистой хэрэглээ”, дэслэгч Б.Батбаяр “Эх оронч үзэл” сэдвээр лекц уншиж, тус ангид хугацаат цэргийн алба хаасан залуусын бэлтгэн ирүүлсэн “Цэргийн алба-Бидний бахархал” сэдэвт видео шторкийг тус тус толилуулав.

  Сургалтын төгсгөлд танин мэдэхүйн “АХА” тэмцээнийг зохион байгуулахад сурагч Н.Батхүлэг, Ж.Номуундарь, А.Манлай нар шагналт байруудад шалгарч, ахлах ахлагч Л.Төмөрбаатар, ахлагч А.Гантуяа мэндчилгээ дэвшүүлж, түрүүч, байлдагч нарын гардан тулааны үзүүлэх тоглолтыг үзэж сонирхсон юм. 

                                                                                      Хошууч Л.АМАРБАЯСГАЛАН (Зэвсэгт хүчний 256 дугаар анги)