Зэвсэгт хүчний Хуурай замын цэргийн командлалаас эко орчныг бүрдүүлж, орон нутаг дахь ногоон байгууламжийг нэмэгдүүлэх зорилгоор командлалын байрлалд 10 мянган мод, бут, сөөг, цэцэг тарьж, зүлгэжүүлэхээр ажиллаж байна.

Эх орон, байгаль дэлхийгээ хайрладаг уламжлалт монгол зан заншлаа дээдэлж, хүн бүр байгалиа нөхөн сэргээх, хамгаалахад гар бие оролцож, орчны ногоон байгууламжийг нэмэгдүүлэхээр бие бүрэлдэхүүний зүгээс санаачилга гарган, мод тарих бэлтгэл ажлыг хангаж байгаа юм. Монгол Улсын Ерөнхийлөгчийн зарлигаар батлагдсан “Бүх нийтийн мод тарих өдөрлөг” нь энэ жил 5 дугаар сарын 14-ний өдөр тохиож байгаа бөгөөд энэ өдөр Зэвсэгт хүчний Хуурай замын цэргийн командлалын бие бүрэлдэхүүн модоо тарих юм.