Монгол Улсын Батлан хамгаалах сайдын өгсөн үүргийн дагуу Зэвсэгт хүчний Жанжин штабын даргын албан даалгаврын хүрээнд Зэвсэгт хүчний 123 дугаар ангийн рот /батарей/, салааны захирагч нарын зөвлөгөөнийг “Зөв төлөвшил, зөв хүмүүжил” сэдвийн хүрээнд хоёр дахь өдрөө зохион байгуулан явуулж байна. Зөвлөгөөний эхэнд тус ангийн захирагч, хурандаа Х.Энхболд Батлан хамгаалах бодлого, Зэвсэгт хүчний үйл ажиллагаа сэдвээр мэдээлэл хийсний дараа “Удирдагчийн ёс зүй, удирдах арга ухаан” сэдвээр сургалт зохион байгууллаа. Мөн Ховд аймгийн төрийн цэргийн байгууллагуудын мэргэжилтнүүдтэй хамтран хүний эрх, хууль эрх зүйн мэдээлэл болон гэмт хэрэг, зөрчлөөс урьдчилан сэргийлэх талаар цахим сургалтыг зохион байгуулан явуулж байгаа юм.

Ахмад Э.Золзаяа (Зэвсэгт хүчний 123 дугаар анги)