Зэвсэгт хүчний 326 дугаар анги, Хан-Уул дүүргийн Гэр бүл хүүхэд залуучуудын хөгжлийн хэлтэс хамтран ажиллах төлөвлөгөөний дагуу Хан-Уул дүүргийн тус хэлтсийн залуучуудын асуудал хариуцсан мэргэжилтэн Б.Азжаргал офицер, ахлагч нарт “Гэр бүлийн хүчирхийлэл, жендерийн тухай” сэдвээр цахим сургалтыг явууллаа.

Сургалтаар жендерийн тухай ойлголт, жендерийн ялгаварлан гадуурхалтын хэлбэрүүд, гэр бүлийн хүчирхийллээс урьдчилан сэргийлэх зөвлөмжүүд, гэр бүлийн халуун дулаан уур амьсгалыг бүрдүүлэх арга техник, хайрын 5 хэлийн талаар сонирхолтой лекцийг хүргэсэн нь алба хаагчдад хөл хорионы үед ар гэртээ илүү их анхаарал, халамж тавих, гэр бүлийн уур амьсгалаа сайжруулах, тэдэнтэй илүү их ярилцаж, ойлголцох сэдлийг төрүүлсөн юм.

Ахмад Л.Түмэндэлгэр (Зэвсэгт хүчний 326 дугаар анги)