Зэвсэгт хүчний 014 дүгээр ангиас 2020-2021 оны сургуулийн жилийн сургалтын төлөвлөгөөний дагуу хээрийн гаралт, полигоны дадлагыг амжилттай зохион байгууллаа. Хээрийн гаралтын төгсгөлд “Монгол цэргийн өдөр”, орчин цагийн Зэвсэгт хүчний 100 жилийн ойн хүрээнд тактикийн хээрийн сургуулийг явууллаа. Сургуулиар инженерийн анги, салбарууд шаардлагатай тохиолдолд мотобуудлагын салбаруудын байлдааны үүргийг хэсэгчлэн гүйцэтгэх дадлага, чадвар эзэмших зорилго тавьж ажилласан юм. Зэвсэгт хүчний инженерийн цэргийн хувьд анх удаа ротын байлдааны буудлагатай тусгай тактикийн хээрийн сургуулийг зохион байгуулсан нь энэ удаагийн хээрийн гаралтын онцлог байлаа.

Хошууч Д.Хадхүү (Зэвсэгт хүчний 014 дүгээр анги)