2020-2021 оны сургуулийн жилийн сургалтын нэгдсэн төлөвлөгөөний дагуу Зэвсэгт хүчний 167 дугаар ангийнхан өнгөрөгч долоо хоногт салаа хоногийн болоод тактикийн хээрийн сургуулийг тус тус зохион байгуулж явууллаа.

Төлөвлөгөөт хоногийн сургуулиар салааны жигдрэлтийг хангах хүрээнд явуулсан бол тактикийн хээрийн сургуулиар говь хээрийн нөхцөлд давших, байлдааны ажиллагаа зохион байгуулж явуулах, байлдааны явцад салаа, салбаруудыг гал удирдах сөрөг давшилт, мөрдөн хөөх ажиллагааны онол, дадлагаар олж авсан мэдлэгийг нь батжуулах зорилгоор зохион байгууллаа. Сургуулиудыг ангийн Говийн бүсийн сургалтын төвд явуулсан бөгөөд бие бүрэлдэхүүнд мэдлэг, ур чадвар, дадлага олгосноороо онцлог болсон юм.

Ахмад Ё.Бат-Эрдэнэ (Зэвсэгт хүчний 167 дугаар анги)