Цэргийн гавьяны улаан тугийн одонт Зэвсэгт хүчний 014 дүгээр ангийнхан 2020 оны үйл ажиллагаагаа дүгнэж, ажил үйлсээрээ бусдыгаа хошуучлан ажилласан оны аваргуудаа шалгаруулан шагналыг ангийн захирагч, хурандаа Г.Эрдэнэбаатар нарын удирдлагууд гардуулан өглөө.  Ангийн 2020 оны “Тэргүүний офицер”-оор Захиргааны удирдлагын тасгийн хүний нөөцийн офицер, ахлах дэслэгч С.Чулуунпүрэв, “Тэргүүний ахлагч”-аар Инженер сапёрын батальоны механик жолооч, ахлагч Д.Цэдэндамба, “Тэргүүний ажилтан албан хаагч”-аар Материал хангалтын албаны цахилгаан ба хийн гагнуурчин Р.Эрдэнэбулган, “Тэргүүний цэргийн гэрээт алба хаагч”-аар дэд түрүүч Б.Сүрэнхор, “Тэргүүний хамт олон”-оор тус ангийн штаб тус тус шалгарлаа.

Хошууч Д.Хадхүү (Зэвсэгт хүчний 014 дүгээр анги)