Байлдааны гавьяаны улаан тугийн одонт, жанжин Д.Сүхбаатарын нэрэмжит Зэвсэгт хүчний 336 дугаар анги нь орон нутагтаа батлан хамгаалах салбарыг сурталчлах, иргэн-цэргийн харилцааг бэхжүүлэх, цэрэг-эх оронч үзлийг түгээн дэлгэрүүлэх зорилгоор хэд хэдэн ажил, арга хэмжээг хэрэгжүүлж байна. Үүний нэг нь 11 дүгээр сарын 10-ны энэ өдөр Дорноговь аймгийн ард иргэдэд “Ардын авьяастан” урлагийн тоглолтыг толилууллаа. Зэвсэгт хүчний 2020 оны “Ардын авьяастан” уралдаанд бэлтгэсэн урлагийн номеруудаа үзэгч олноо толилуулан цэрэг дайчдаараа бахархах үзлийг нь дэврээж чадсан юм. Урлагийн тоглолтод 2020 онд цэргийн жинхэнэ албанд татагдан ирсэн шинэ дайчид оролцож, ая дуугаа өргөн барьсан нь үзэгч олны талархлыг ихэд хүлээсэн юм.

Дэслэгч Ч.Бодьгэрэл (Зэвсэгт хүчний 336 дугаар ангийн хэвлэлийн төлөөлөгч)