Монгол Улс, ОХУ-ын Зэвсэгт хүчний хамтарсан "Сэлэнгэ-2020" байлдааны буудлагатай тактикийн хээрийн сургуулийн төгсгөлийн шатны Команд штабын хээрийн сургууль ОХУ-ын Буриадын нутаг дэвсгэрт эхэллээ. 2008 оноос "Дархан" нэртэйгээр тасралтгүй зохион байгуулж ирсэн энэхүү сургуульд ОХУ-ын Дорнод цэргийн тойргийн 600 гаруй цэргийн алба хаагч, 100 гаруй нэгж техниктэйгээр оролцож байна. Энэ удаагийн сургуулийн гол онцлог нь өөр өөрийн нутаг дэвсгэрт “Терроризмын эсрэг операцын үед тактикийн хамтарсан ажиллагаанд бэлтгэх, хөрш улсуудын Зэвсэгт хүчний салбаруудын харилцан ажиллагаатайгаар хууль бус зэвсэгт бүлэглэлийг бүслэн хааж устгах” гэсэн сэдвийн хүрээнд гурван үе шаттайгаар зохион байгуулсан явдал бөгөөд сургуулийн төгсгөлийн шатанд Команд штабын хээрийн сургуулийг ОХУ-ын нутагт хамтран явуулж байна.

Эх сурвалж: ОХУ-ын Батлан хамгаалах яам