АНУ-аас Монгол Улсад суугаа Элчин сайдын яамны Батлан хамгаалахын атташе, дэд хурандаа Филип Х.Лью өнөөдөр буюу 07 дугаар сарын 07-нд Хуурай замын цэргийн командлагч бригадын генерал Б.Амгаланбаатартай уулзаж, Зэвсэгт хүчний 234 дүгээр ангийн сургалтын төвд хамтарсан сургалт зохион байгуулах талаар санал солилцлоо.

Тус ангийн цэргийн алба хаагчидтай хамтран зам гүүр инженерийн төхөөрөмжлөлүүдийг сайжруулах болон усчин аврагчийн сургалтыг зохион байгуулах талаар ярилцлаа.

Дэд хурандаа Филип Х.Лью “Анх удаа Монгол наадам үзэж, дэлхийд гайхагдсан өв соёлыг нүдээр харах болсондоо баяртай байна” гээд хүлээн авч уулзсанд талархал илэрхийлсэн юм.

Дэд хурандаа Б.Золзаяа