Агаарын цэргийн штабын даргын тушаалаар командлалын Захиргааны удирдлагын хэлтсийн дарга хурандаа Б.Баярсайханаар ахлуулсан ажлын хэсэг 2020 оны 08 дугаар сарын 31-ээс 09 дүгээр сарын 02-ны өдрүүдэд Агаарын цэргийн харьяа ангиудад хөтлөгдөж буй баримт бичгүүдэд үзлэг хийж, шалган туслах ажлыг явууллаа.

     Тус үзлэг нь дээд шатны удирдах байгууллага, командлалаас боловсруулж гаргасан удирдлагын баримт бичиг анги, салбар, бие бүрэлдэхүүнд хүрч байгаа байдлыг үнэлэх, 2020 оны 04 сард шинэчлэн батлагдаж 05 дугаар сарын 01-ээс мөрдөгдөж эхэлсэн “Цэргийн албыг зохион байгуулах заавар”-т заагдсан баримт бичгүүдийг хөтөлж хэвшиж байгаа байдлыг газар дээр нь үзэх зорилготой явагдсан.

     Ажлын хэсгийн бүрэлдэхүүн  ангиудын бүх төрлийн баримт бичгүүдийг нэг бүрчлэн шалгаж, илэрсэн дутагдлыг засуулан, шаардлагатай зөвлөгөө, зааварчилгааг өгөн ажиллаа.

     Мөн үзлэгийн дүнг гарган, хойшид анги, салбаруудад заавал хөтлөгдсөн байх ёстой бичиг баримтын жагсаалтыг гарган ангиудад хүргүүлэхээр ажиллаж байна.