Зэвсэгт Хүчний 065 дугаар анги Монгол Улсын Ерөнхийлөгчийн санаачилгаар хэрэгжүүлж буй "Тэр бум мод" үндэсний хөтөлбөр, Үндэсний мод тарих өдөрт нэгдэж ангийн байрлалынхаа ногоон байгууламж, тохижилтод эко үйлчилгээ хийлээ.

     Мод нь агаар бохирдуулагч нүүрсхүчлийн хийг өөртөө хамгийн ихээр шингээж авдаг ба агаарын бохирдлыг багасгадаг байгалийн хамгийн чухал цэвэрлэх байгууламж юм. Бут мод сөөг нь дуу чимээ багасгаж зуны улиралд шороо тоосны 50 хувийг, өвлийн улиралд 40 хувийг өөртөө шингээж агаар цэвэрлэдэг ач тустай юм. Мөн 1 мод 1 жилийн турш 12кг CO2 өөртөө шингээдэг гэсэн судалгаанаас үзэхэд 9600 CO2 тэнцэх хэмжээтэй цэвэр агаарын хэрэгцээг хангадаг байна.

     Мод тарих нь сайн дурын ажил биш бидний үүрэг,  тиймээс хүн бүр мод тарих аянд нэгдэхийг Зэвсэгт хүчний 065 дугаар ангийн бие бүрэлдэхүүн уриалж байна.

Ахлагч П.ОЮУН-ЭРДЭНЭ