Зэвсэгт хүчний 303 дугаар ангийн удирдлагын зүгээс офицер, ахлагч, ажилтан албан хаагчдынхаа ажлын байрны таатай орчин нөхцөлийг бүрдүүлэхээс гадна бие бүрэлдэхүүнийхээ ар гэрт нь дэмжлэг үзүүлэх ажлыг үе шаттайгаар зохион байгуулж байна.

     Уг ажлын хүрээнд тус ангиас БНӨСУ-д явагдаж буй НҮБ-ын энхийг сахиулах ажиллагаанд 13 дугаар ээлжийн мотобуудлагын батальоны бүрэлдэхүүнд үүргээ нэр төртэй гүйцэтгэж буй дэд ахлагч Ц.Бат-Очирын гэр бүлд очиж, хүнсний бүтээгдэхүүн хандивлав. Энэ үеэр цэнхэр дуулгатан энхийг сахиулагч хүүгийнх нь талархлын үгтэй захидлыг нь уншсанаар аав, ээжийнх нь сэтгэлийг хөдөлгөж, баярлуулсан бахархам ажил боллоо6

     Цаашид энэ ажил үргэлжлэх бөгөөд бие бүрэлдэхүүнийхээ сэтгэл зүйн тогтвортой байдлыг хангах, ажил албандаа хандах хандлагыг нь сайжруулах, ар гэртээ санаа зовох зүйлгүйгээр өргөсөн тангарагтаа үнэнчээр зүтгэх нөхцөл, боломжийг нь бүрдүүлэхэд анхаарч ажиллах болно.

Ахмад Г.БИЛГҮҮТЭЙ