Зэвсэгт хүчний 325 дугаар ангийн 2023-2024 оны цэргийн сургалт бэлтгэлийн төлөвлөгөөний дагуу 03 дугаар сарын 29-ний өдөр ангийн захирагчаар батлуулсан маршрутын дагуу 60 км явган маршийг хүн нэг бүрийн зэвсэг, хэрэглэлтэйгээр  хээрийн байрлал руу хөдөлгөөн үйлдлээ.

     Энэ үеэр сургуулийн удирдагчийн зааврын дагуу хажуугийн хамгаалалт,  заасан районд самналтын ажиллагаа явуулж, эсрэг талын десант хорлон сүйтгэх бүлэг, тэсэрч дэлбэрэх зүйл, занга байрлуулсан эсэхийг шалгах, амралт гэсэн цэгүүдэд рот, салааны жигдрэлт, захирагч дарга нарын авч хэрэгжүүлж байгаа ажиллагаанд дундын хянагч нар хяналт тавьж, дүгнэж ажилласан юм.

     Мөн бие бүрэлдэхүүний сэтгэл зүйн бэлтгэлжилтийг дээшлүүлэх, цагийн байдлын хүндрүүлсэн нөхцөл, үзэгдэх орчин хязгаарлагдмал үед байлдааны ажиллагааг хэрхэн зохион байгуулах талаар сэдвийн хүрээнд ротын шөнийн буудлагыг нам өндрийн цель, газрын дайсантай тэмцэл явуулах байлдааны буудлагыг шөнийн цагаар зааврын дагуу амжилттай зохион байгууллаа.                         

  Хошууч Н.Мөнхбаатар