Өнөөдөр Монгол хүн сансарт ниссэн өдөр тохиож байна.

    Монгол улс, ЗХУ-ын баатар “ЧИНГИС ХААНЫ ОДОН”-т Хошууч генерал Ж.Гүррагчаа Монгол Улсаас сансарт ниссэн цорын ганц, дэлхийн 101, Азийн 2 дахь сансрын нисгэгч болсон тэрээр 1981 оны 03 дугаар сарын 22-ны өдөр анх сансарт ниссэн билээ.

    Хошууч генерал Ж.Гүррагчаа нь 1966 онд Зэвсэгт хүчний 065 дугаар ангид хугацаат цэргийн албанд татагдан, 1971 онд цэргийн албаа хаагаад ЗХУ-ын Фрунзе хотын нисэхийн сургууль, 1973 онд Г.К.Жуковын нэрэмжит Агаарын цэргийн академийг төгссөн юм.

     Энэхүү тэмдэглэлт өдрийг тохиолдуулан Зэвсэгт хүчний Агаарын цэргийн эмэгтэй алба хаагчид “ЭЕРЭГ ХАНДЛАГАТАЙ-ИНЭЭМСЭГЛЭН МЭНДЭЛЬЕ” арга хэмжээг бие бүрэлдэхүүнтэйгээ зохион байгуулан урмын үгтэй чихэр, уянгалаг сайхан дуутайгаар угтаж, өдрийг эрч хүчээр дүүрэн байхыг хүсэн ерөөлөө.

ХОШУУЧ Ө.НАРАНТУЯА