Билгийн тооллын XVII жарны “Хилэнт эх” хэмээгч хөх модон луу жилийн хаврын тэргүүн сарын шинийн дөрөвний бэлэгт сайн өдөр бие бүрэлдэхүүний нэгдсэн золголтыг зохион байгууллаа.

     Сар шинийн нэгдсэн золголтод хүрэлцэн ирсэн ахмад буурлууд болон нийт бие бүрэлдэхүүндээ ангийн захирагч Б. Мөнх-Ирээдүй сар шинийн мэндчилгээ дэвшүүлэн, ажил албандаа арвин их амжилт гаргахыг хүсэн ерөөлөө.

     Мөн цагаан сарын баярыг тохиолдуулан  хамт олныхоо дунд ёс заншил, Монгол уламжлалаа дээдлэх, нөхөрсөг харилцааг бэхжүүлэх хүрээнд “Дээлтэй Монгол" тэмцээнийг бие бүрэлдэхүүнийхээ  дунд амжилттай зохион байгууллаа.

     Тус тэмцээн нь багын мэндчилгээ, алаг мэлхий, морь уралдуулах, сээр шалгах, шагай шүүрэх, монгол кино /хэсгээс тоглох/, асуулт хариулт /ёс заншлын талаар /-ын гэсэн төрлүүдээр явагдсанаас дэд хурандаа Г.Энхболд ахлагчтай ямаачин баг тэргүүн байрт, дэд хурандаа Н.Эрдэнэ-очир ахлагчтай тэмээчин баг дэд байрт, Юндэн гөөгөө-гөөр хошууч Д.Оргилболд, Монголжингоо-оор дэслэгч Ч.Оюун-эрдэнэ нар шалгарч шагналын эзэд боллоо.

     “Дээлтэй монгол” тэмцээн зохион байгуулснаар цагаан сарын ёс заншлын талаар мэдлэг олгосон олон төрлийн авьяас ур чадвар, баг тус бүрийн хамтын ажиллагаа хүн нэг бүрийн оролцоог бий болгосон тэмцээн болж өндөрлөлөө.

Ахлах дэслэгч Б.Дуламсүрэн