ЗХЖШ-ын даргын тушаалаар томилогдсон “Сэтгэл зүйн хөдөлгөөнт бүлэг” 02 дугаар сарын 08-ны өдөр Зэвсэгт хүчний 303 дугаар ангид ажиллалаа. Бүлгийн багш нар офицер, ахлагч, ажилтан алба хаагчдыг бүлэгт хуваарилан баг хамт олон, хүн бүрийн үүрэг оролцоонд тулгуурлан сургалтыг шинэлэг арга хэлбэрээр зохион байгуулсан юм.

     Тус сургалтаар Зэвсэгт хүчний хөгжлийн бодлого, зорилт, үйл ажиллагаа, цэргийн алба, сэтгэл зүйн бэлтгэлжилтийг үнэлэх, удирдах ба манлайлах, харилцаа ба хандлага, ур чадвар, хариуцлагыг хэрхэн уялдуулж ажиллах, багаар хэрхэн үр дүнтэй ажиллаж, нэгдмэл ойлголт бүхий оновчтой шийдвэрийг гаргах талаар онол болон дадлага хосолсон үр дүнтэй сургалт боллоо.

     Сургалтын хүрээнд “Хувь хүний багт гүйцэтгэх үүрэг, оролцоо”, “ЕQ”, “Харилцааны сэтгэл зүй”, “Сэтгэл гутралын шинж тэмдэг, түүнээс урьдчилан сэргийлэх, гарах арга зам” сэдвүүдээр сургалтыг зохион байгуулж, бие бүрэлдэхүүний өөрийн давуу болон сул талаа мэдэх, цаашид давуу талаа хөгжүүлэхэд хэрхэн анхаарахыг ойлгуулж өгсөн юм.

Ахмад Г.БИЛГҮҮТЭЙ