Зэвсэгт хүчний 353 дугаар ангийн ахлагчийн зөвлөлөөс “Зэвсэгт хүчний ахлагчийн албыг хөгжүүлэх хөтөлбөрийн хэрэгжилт, үр дүн” сэдэвт ангийн ахлагчийн бүрэлдэхүүний эрдэм шинжилгээний бага хурлыг зохион байгууллаа.

     Тус эрдэм шинжилгээний хурал нь “Ахлагчийн албаны эрх зүйн орчны өнөөгийн байдал, төгөлдөржүүлэхэд бидний оролцоо”, “Ахлагчийн бүрэлдэхүүний мэргэжлийн ур чадвар, мэргэшлийн өнөөгийн байдал, сургалт бэлтгэлийг боловсронгуй болгох арга зам”, “Ахлагчийн бүрэлдэхүүний гэр бүл, нийгмийн хамгааллын тулгамдсан асуудал ба шийдэл”,  “Зэвсэгт хүчний эмэгтэй ахлагч нарт тулгамдаж буй асуудал ба шийдэл” гэсэн сэдвүүдийн хүрээнд явагдлаа.

     Тус эрдэм шинжилгээний хуралд  ангийн салбар, дивизионуудаас нийт  12 илтгэгч илтгэл тавьснаас тэргүүн байранд дэд ахлагч Б.Ганчимэг, дэд байранд ахлах ахлагч Б.Баяржаргал, гутгаар байрт ахлах ахлагч Д.Дашсүрэн,  тусгай байранд ахлах ахлагч Д.Мөнхмандах нарын илтгэлүүд тус тус шалгарч дараагийн шатны уралдаанд оролцохоор боллоо.

хошууч Б.НАНДИНЦЭЦЭГ