Зэвсэгт хүчний 353 дугаар анги 2023 оны үйл ажиллагаагаа дүгнэн хэлэлцэж, ажил мэргэжлийн шилдгүүдээ тодруулах баярын хурлаа хийлээ. Үүний дараа "Цэргийн тангараг" давтах үйл ажиллагааг зохион байгуулсан юм. 

     Баярын хурлын үеэр Агаарын цэргийн командлагчийн болон ангийн захирагчийн тушаалаар албан тушаалын зэрэглэлийн дагуу зарим цэргийн алба хаагчдад цол гардууллаа.

     2023 онд хийж гүйцэтгэсэн үйл ажиллагаа, хамт олноо манлайлан ажилласан шилдэг алба хаагч, алба салбаруудаа тодруулан урамшуулсан. Үүнд: Тэргүүний албаар хошууч С.Алтан-Очир даргатай "Ажиллагаа удирдлагын тасаг", Тэргүүний салбараар хошууч О.Алтанзул-Од захирагчтай 320 дугаар дивизион, Тэргүүний офицероор ахмад П.Мөнхбаатар, Манлайлагч офицероор хошууч Ц.Батхишиг, тэргүүний ахлагчаар ахлах ахлагч Х.Бат-Өлзий, Манлайлагч ахлагчаар сургагч ахлагч М.Бергенбек, Тэргүүний ажилтан алба хаагчаар Д.Отгонбаяр, Манлайлагч ажилтан алба хаагчаар З.Чимгээ нар хамт олноо тэргүүлэн шалгарсан юм.

Дэд ахлагч Б.БАТЦЭЦЭГ