Монгол Улсын гавьяат нисгэгч хурандаа Н.Баясгалангаар ахлуулсан Зэвсэгт хүчний 303 дугаар ангийн нислэгийн баг “МИ-171Е” загварын нисдэг тэргээр Улаанбаатараас Дорнод аймгийн Чулуунхороот сумын чиглэлд эмнэлгийн яаралтай тусламж үзүүлэх нислэг үйлдэж тус суманд тархсан хээрийн түймэрт өртсөн иргэдийн амь насыг аварлаа.

     Монгол Улсын дөрвөн зүг найман зовхист байгалийн гамшигт үзэгдэл, гэнэтийн болон давагдашгүй хүчин зүйл тохиолдсон үед Зэвсэгт хүчний Агаарын цэргийн командлалын харьяа бие бүрэлдэхүүн хүн ардаа авран хамгаалах нислэгийг тогтмол амжилттай үйлдэж хуулиар хүлээсэн үүргээ нэр төртэй гүйцэтгэсээр байна.

Ахмад Л.САРАНЗАЯА