Агаарын цэргийн командлалын 2022-2023 оны сургуулийн жилийн нээлт 2022 оны 10 дугаар сарын 20, 21-ний өдрүүдэд болж өнгөрлөө. Нээлтээр Агаарын цэргийн штабын дарга бригадын генерал Б.Эрдэнэбат 2022-2023 оны сургуулийн жилийн зорилго, зорилт, баримтлах бодлого болон энэ сургуулийн жилийг "Залуу офицеруудын манлайлал"-ын жил болгон зарласантай холбоотой хийгдэх ажлын төлөвлөгөө, цэргийн дүрмийн шинэчлэл, зэрэг сэдвүүдээр Агаарын цэргийн командлалын бие бүрэлдэхүүнд мэдээлэл хийж, үүрэг чиглэл өглөө.

     Сургуулийн нээлтэд Удирдлагын академийн доктор багш Т.Түмэнцогтоо “Төрийн байгууллагын стратеги, алсын хараа, соёл”, бэлтгэл хурандаа  Э.Төмөр “хүний хөгжлийн Монгол ухаан, сэдвүүдээр тус тус сургалт явуулж. КАБЦК-ын төлөвлөлтийн ахлах офицер дэд хурандаа Э.Батзориг КАБЦК-ын танилцуулгыг танилцуулсан. Мөн Агаарын цэргийн командлалын Захиргааны удирдлагын хэлтсийн дарга хурандаа Г.Чулуунзагд командлалын дүрмийн нэмэлт өөрчлөлт, Удирдлага, төлөвлөлтийн хэлтсийн АУ-ын ахлах офицер, тагнуулын дарга хурандаа Ч.Буяанзаяа командлалын цэргийн алба зохион байгуулах командлагчийн тушаалыг танилцууллаа.

            Сургуулийн жилийн нээлтийн хоёр дахь өдөр Агаарын цэргийн командлалын бүрэлдэхүүн Налайх районд 30км явган марш үйлдэн, инженер, хими, холбооны бэлтгэл, амьд гарах арга ухаан зэрэг хичээлийн бэлтгэсэн цэгүүдээр сургалт явууллаа.