Зэвсэгт хүчний 325 дугаар анги 2022-2023 оны сургуулийн жилийн нээлтийн арга хэмжээг шинэлэг байдлаар зохион байгууллаа. Эхний өдөр цугларалт дохиогоор ажиллан, 10 км-ын явган маршийг хичээлийн 4 цэгээр зохион байгуулсан ба цэргийн алба хаагчдын бие бялдар, сэтгэл зүйн бэлтгэлжилтийг хэрхэн нэмэгдүүлэх талаар залуу офицер, ахлагч нарын саналыг тус ангийн удирдлага сонслоо. Зэвсэгт хүчний 325 дугаар ангийн захирагч хурандаа Б.Баярсайхан офицерууд болон удирдах албан тушаалын ахлагч нартай “Манлайлал”, “Байгууллагын соёл”-ын талаар сургалт явуулан, хэлэлцүүлэг өрнүүлж, ангийнхаа үнэт зүйлсийг хамтран тодорхойллоо.

     Мөн манлайлагч офицер, ахлагч болохыг уриалахын зэрэгцээ нийт бие бүрэлдэхүүнд сургуулийн жилийн зорилго, зорилт, удирдах дээд байгууллагаас баримталж буй бодлогыг танилцуулан шинэ хичээлийн жилд нь сурлагын өндөр амжилт хүссэн юм.