Зэвсэгт хүчний 325 дугаар анги "Олон улсын энхийг сахиулагчид"-ын баярыг тэмдэглэн өнгөрүүлэх ажлын хүрээнд Завхан аймагт болон сум орон нутагт Зэвсэгт хүчний үйл ажиллагааг сурталчлах олон талт ажлуудыг хэрэгжүүлж байна.

     Тухайлбал, Монгол Улсын Зэвсэгт хүчин НҮБ-ын энхийг сахиулах ажиллагаанд үүрэг гүйцэтгэж эхэлсний 20 жилийн ойг орон нутгийн ард иргэдэд сурталчлан таниулах, сургалт, сурталчилгааны ажлыг зохион байгууллаа.

    Тус арга хэмжээний хүрээнд Завхан аймгийн Онцгой байдлын газар, Цагдаагийн газар, Шүүхийн шийдвэр гүйцэтгэх газар, Ерөнхий боловсролын "Дэвшил", II арван жилийн сургуулиудад "Монгол цэрэг-энхийн үйлсэд" сэдэвт сургалт, сурталчилгааны ажлыг дэд хурандаа Т.Армия, Үлээвэр найрал хөгжмийн салааны биe бүрэлдэхүүн амжилттай зохион байгууллаа. Түүнчлэн "Монгол цэрэг-энхийн үйлсэд" сэдэвт сургалт сурталчилгааны ажил 5 дугаар сарын 29-ийг хүртэл үргэлжилж, Улиастай сумын төв талбайд Төрийн цэргийн болон хууль сахиулах байгууллагуудын цэргийн ёслолын жагсаалыг нээлттэй хаалганы өдөрлөгийн үеэр дахин зохион байгуулах юм.

Ахмад Н.МӨНХБААТАР