Энэ сарын 20-ны өдөр Завхан аймгийн Засаг даргын үйл ажиллагааны мөрийн хөтөлбөрт тусгагдсан “Тогтвортой амьдрал-Амгалан гэр бүл” арга хэмжээний хүрээнд “Олон улсын гэр бүлийн өдөр”-ийг тохиолдуулан Зэвсэгт хүчин болон Төрийн цэргийн болон хууль сахиулах байгууллагуудад ажиллаж буй залуу гэр бүлүүдийн гэрлэлтийг зохион байгууллаа.

     “Хаан бугуйвч, Хатан сүйх” ёслолд Зэвсэгт хүчний 325 дугаар анги, Онцгой байдлын газар “Алтай-Улиастай эрчим хүчний систем” ТӨХК, Цагдаагийн газар зэрэг байгууллагуудын 10 залуу хосын гэрлэлтийг баталсан юм.

     Зэвсэгт хүчний 325 дугаар ангиас үлээвэр найрал хөгжмийн хөгжимчин дэд ахлагч О.Пүрэвсүрэн гэргийн хамт оролцсон бөгөөд тэдний гэрлэлтийн ёслолын арга хэмжээнд ангийн ахлагч, тэргүүн ахлагч Д.Батбаяр, үлээвэр найрал хөгжмийн удирдаач ахлагч Э.Эрдэнэсүх болон тус салааны бие бүрэлдэхүүн оролцож баяр хүргэж мэндчилгээ дэвшүүллээ.

Ахмад Н.Мөнхбаатар