Налайх цэргийн хүрээний цэргийн цагдаагийн тасгийн бүрэлдэхүүн Зэвсэгт хүчний 353 дугаар ангид хүрэлцэн ирж өөрсдийн албаны онцлог гүйцэтгэх үүрэг, Зэвсэгт хүчний анги байгууллагуудын нийт цэргийн алба хаагчдын гаргаж буй зөрчил, дутагдлын талаар яриа хийж, бие бүрэлдэхүүний тавьсан асуултад тодорхой хариулт өглөө.

     Энэ үеэр мөн Налайх дүүргийн замын цагдаагийн байцаагч, эрүүгийн мөрдөн байцаах тасгийн эрүүгийн мөрдөгч, гэмт хэрэг зөрчлөөс урьдчилан сэргийлэх хэлтсийн байцаагчид замын хөдөлгөөний дүрэм, жолооч зорчигчийн үүрэг, явган зорчигчийн үүрэг, цахим гэмт хэрэг цахим мөрийтэй тоглоомын тухай ойлголт, түүнээс урьдчилан сэргийлэх, гэмт хэрэг зөрчлөөс урьдчилан сэргийлэх тухай хуулийн зүйл заалт зэрэг сэдвүүдээр бие бүрэлдэхүүнд яриа таниулга хийлээ.

Ахмад Б.ГАНЧУЛУУН