Зэвсэгт хүчний Агаарын цэргийн командлалын 2021-2022 оны сургуулийн жилийн цэргийн сургалт бэлтгэлийн нэгдсэн төлөвлөгөөний дагуу Агаарын цэргийн анги, салбаруудын оперативын жижүүрүүдийн цугларалт 2 дугаар сарын 24-25-ны өдрүүдэд Зэвсэгт хүчний 353 дугаар ангийн байрлалд зохион байгуулагдлаа.

     Агаарын цэргийн хуулиар хүлээсэн үндсэн үүргийн хэрэгжилтийг хангахад гол үүрэгтэй офицер, ахлагч нарын албаны болон мэргэжлийн ур чадварыг нэмэгдүүлэх зорилгоор Агаарын цэргийн өнөөгийн үйл ажиллагаа, хөгжлийн хэтийн зорилго зорилт, анги, салбаруудын байлдааны жижүүрлэлтийн одоогийн байдал, хувь хүний хөгжлийн хандлага зэрэг сэдвээр Агаарын цэргийн командлалын мэргэжилтнүүд илтгэл тавьж, үйл ажиллагаатай холбоотой хэлэлцүүлэг өрнүүлэн цаашид анхаарах асуудлуудыг хэлэлцлээ.

Ахмад Б.НАНДИНЦЭЦЭГ