Агаарын цэргийн командлалын нэрэмжит Зэвсэгт хүчний аварга шалгаруулах Цэрэгжлийн спортын өвлийн 2 төрөлт, Цэрэг спорт цогцолборын өвлийн олон төрөлтийн тэмцээний нээлтийн арга хэмжээ 2022 оны 01 дүгээр сарын 11-ний өдөр Зэвсэгт хүчний 119 дүгээр ангийн Сургалтын төвд боллоо.

    Тус арга хэмжээнд ЗХЖШ-ын нэгдүгээр орлогч дарга, бригадын генерал С.Ганбямба, Зэвсэгт хүчний Агаарын цэргийн командлагч, хошууч генерал О.Энхбаяр, Зэвсэгт хүчний Жанжин штабын Сургалтын бодлого, зохицуулалтын хэлтсийн дарга   хурандаа Ш.Гантулга, Агаарын цэргийн командлалын Материал, техникийн хэлтсийн дарга хурандаа Г.Хашчулуун болон зарим ангийн захирагч нар оролцлоо.

     Мөн энэ арга хэмжээний үеэр өнгөрсөн жил зохион байгуулагдсан Зэвсэгт хүчний аварга шалгаруулах тэмцээнүүдэд тэргүүлсэн анги, салбар, алба хаагчдын шагналыг ЗХЖШ-ын нэгдүгээр орлогч дарга, бригадын генерал С.Ганбямба, Зэвсэгт хүчний Агаарын цэргийн командлагч, хошууч генерал О.Энхбаяр нар гардуулан өгч, тэмцээнд оролцож буй нийт тамирчдад спортын өндөр амжилт гаргахыг хүслээ.

     Энэхүү тэмцээнээр Зэвсэгт хүчний 2021-2022 оны биеийн тамир, спортын уралдаан тэмцээнийг нээж байгаа юм.

АГААРЫН ЦЭРГИЙН КОМАНДЛАЛ