Зэвсэгт хүчний 353 дугаар анги, Гэр бүл хүүхэд залуучуудын хөгжлийн газар, Хувь хүний хөгжлийн институт, “Эерэг тэмүүлэл” ТББ-ын сургагч багш нартай хамтарсан ”Харилцаа ба хандлага” сэдэвт сургалтад ангийн бие бүрэлдэхүүн хамрагдлаа.

     Тус сургалт нь цэргийн алба хаагчдын хоорондын харилцаа, тэдгээрийн гэр бүлийн уур амьсгал, хандлагад эергээр нөлөөлөх чухал үр дүнтэй сургалт болж өндөрлөлөө. Энэ үеэр тус ангийн хуулийн офицер, ахмад Б.Түвшинтөгс цэргийн алба хаагчдад ээлжит "Цэргийн алба хаагчдын эрх зүйн байдлын тухай хуулийн танилцуулга" сургалтыг зохион байгуулж бие бүрэлдэхүүний хууль, эрх зүйн мэдлэгийн хүрээг тэлсэн юм.

     Мөн Налайх дүүргийн Онцгой байдлын газрын Гал унтраах 028 дугаар ангитай хамтран ажиллах төлөвлөгөөний дагуу тус ангийн сургалтын офицер, ахмад Б.Уянга “Ой хээрийн болон объектын түймэр” сэдвээр Зэвсэгт хүчний 353 дугаар ангийн 323 дугаар дивизионы бие бүрэлдэхүүнд 2 цагийн багтаамжтай танхимын сургалтыг зохион байгууллаа. Энэхүү онолын сургалтыг төлөвлөгөөний дагуу ирэх сард дадлагаар баталгаажуулах юм.

Ахлах дэслэгч Б.ГАНЧУЛУУН