Зэвсэгт хүчний Жанжин штабын дарга дэслэгч генерал Д.Ганзориг, Материал, техникийн газрын дарга бригадын генерал М.Мөнхбаяр нар 2021 оны 10 дугаар сарын 07-08 -ны өдрүүдэд Зэвсэгт хүчний 325 дугаар ангийн үйл ажиллагаатай танилцлаа.

     Зэвсэгт хүчний 325 дугаар ангийн захирагч хурандаа Г.Чулуунзагд Зэвсэгт хүчний Жанжин штабын даргад Монгол Улсын баруун бүсийн агаарын хил тайванг илтгэж, Улиастай цэргийн хүрээний хүндэт харуул жагсаж хүлээн авлаа.

     Зэвсэгт хүчний Жанжин штабын дарга дэслэгч генерал Д.Ганзориг ангийн үйл ажиллагаатай танилцах үеэр тус ангийн бие бүрэлдэхүүнтэй уулзаж Зэвсэгт хүчинд хэрэгжүүлж байгаа болон хэрэгжүүлэхээр төлөвлөж буй ажлуудын талаар товч мэдээлэл өглөө. Мөн тэрээр тус ангийн нийт офицер, ахлагч нарыг амьдрал ахуйгаа ажил албаа зөв төлөвлөн цагийг үр бүтээлтэй өнгөрүүлж сурч хөгжихийг эрхэм болгож ажиллахыг захиж зөвлөлөө.

АХМАД Н.МӨНХБААТАР