Орчин цагийн зэвсэгт хүчин үүсэн байгуулагдсаны түүхт 100 жил, Монгол Улсад Нисэх хүчин үүсэж хөгжсөний 96 жилийн ойн баярыг Зэвсэгт Хүчний 337 дугаар анги 2021 оны 5 дугаар сарын 25-ны өдөр тэмдэглэн өнгөрүүллээ.

     Баярын үйл ажиллагаанд хүндэт зочноор Зэвсэгт Хүчний Агаарын цэргийн командлагч, хошууч генерал О.Энхбаяр, Агаарын цэргийн командлалын удирдлага төлөвлөлтийн хэлтсийн дарга хурандаа Б.Энхзоргол, Агаарын цэргийн командлалын Улсын нисэхийн хэлтсийн дарга хурандаа Н.Очирбат, үе үеийн ангийн захирагч, анхны нисгэгч, механикч, техникч нарын төлөөлөл ахмад дайчид оролцлоо.

     Энэ үеэр ахмад дайчин М.Мягмаржавыг “Алтан гадас” одонгоор, Д.Оюунцэцэгийг цэргийн гавьяаны одонгоор, Д.Оюун, Б.Аяналганыг хөдөлмөрийн хүндэт медалиар ,ирсэн зочид,ахмад дайчдыг 100 жилийн ойн медаль, ангийн 50 жилийн ойн медалиар шагналаа.

     Мөн гавьяаныхаа амралтад гарсан 14 ахмад дайчин байлдааны туганд хүндэтгэл үзүүлэх ёслолын арга хэмжээ болж ангийн э м э г т э й ч ү ү д и й н зөвлөлөөс санаачлан ангийн эмэгтэйчүүд гавьяаныхаа амралтад гарсан эмэгтэй ахмад дайчдад хүндэтгэл үзүүлж гарын бэлэг гардууллаа.

Ахлах дэслэгч Д.Эрдэнэсувьд