Монгол цэрэг энхийг сахиулах ажиллагаанд оролцож эхэлсний түүхт 20 жилийн ойг угтан Налайх дүүргийн 5 дугаар хорооны 103 дугаар сургууль, 153 дугаар цэцэрлэгийн хүүхэд багачуудад “Монгол цэрэгДэлхийн цэрэг” сэдэвт нээлттэй сурталчилгааны ажлыг энэ сарын 26-ны өдөр зохион байгуулан явууллаа. Энэ хүрээнд бага бууны зэвсгийн үзэсгэлэнг дэлгэн үзүүлж, урлагийн номерыг тоглож, гардан тулааны үзүүлэх тоглолт, жижиг бүлгийн тактикийн ажиллагааг үзүүлэн сонирхууллаа. Мөн иргэн цэргийн харилцааг бэхжүүлэх ажлын хүрээнд тус хорооны иргэн Б.Янжмаагийн гэрийг засаж, гэрт нь шинэ гадна, дотор цагаан бүрээс бүрж, хашааг цэвэрлэн, эвдэрч хэмхэрсэн зүйлийг засаж янзлан, хашааны гадна талын өнгө үзэмжийг сайжруулахын зэрэгцээ өрхийн хэрэгцээнд зориулан хүнсний бүтээгдэхүүнийг гардуулан өгч, хашаанд нь мод тарьж өглөө.

Эх сурвалж "Соёмбо" редакц