Сүхбаатарын болон Байлдааны гавьяаны улаан тугийн одонт, Жанжин Д.Сүхбаатарын нэрэмжит Үндэсний батлан хамгаалах их сургуулийн цэргийн мэргэжлийг сонгож төгссөн нийт төгсөгчиддөө Монгол Улсын Зэвсэгт хүчний дэслэгч, дэд ахлагч хэмээх нэр хүндтэй офицер, ахлагчийн анхны цолоо зүүж, эх орноо батлан хамгаалах эрхэм үүрэгт хүчин зүтгэх анхны томилгоогоо гардан авах ёслолын ажиллагаа зохион байгуулагдав. Тус арга хэмжээнд ЗХЖШ-ын дарга хошууч генерал Д.Ганзориг, ЗХЖШ-ын нэгдүгээр орлогч дарга хурандаа Ц.Жавхланбаатар, ЗХЖШ-ын ахлагч тэргүүн ахлагч Б.Гантөмөр, ЗХЖШ-ын Ажиллагааны удирдлагын газрын дарга хурандаа С.Дашзэвэг, ЗХЖШ-ын Бодлого стратегийн төлөвлөлтийн газрын дарга хурандаа Ч.Цогтжаргал, ЗХЖШ-ын Ар талын газрын дарга бригадын генерал М.Эрдэнэдалай, ЗХЖШ-ын Захиргааны удирдлагын хэлтсийн ахлах мэргэжилтэн  хурандаа Ц.Батмөнх, ЗХЖШ-ын Хүний нөөцийн хэлтсийн дарга хурандаа Н.Гантөмөр, ХЗЦК-ын Захиргааны удирдлагын хэлтсийн дарга хурандаа Л.Ганбаатар, ХЗЦК-ын Хүний нөөцийн хэлтсийн дарга хурандаа Д.Энхсайхан, ХЗЦК-ын ахлагч тэргүүн ахлагч Д.Мөнхбаяр, Зэвсэгт хүчний Агаарын цэргийн командлалын штабын дарга бригадын генерал Б.Батбаяр, албаны бусад хүмүүс, ҮБХИС сургуулийг 2020 онд төгссөн төгсөгчид оролцов.