МОНГОЛ УЛСЫН ЗЭВСЭГТ ХҮЧНИЙ АГААРЫН ЦЭРГИЙН КОМАНДЛАЛ, ЭНЭТХЭГ-НОМХОН ДАЛАЙ ДАХЬ АНУ-ЫН АГААРЫН ХҮЧНИЙ КОМАНДЛАЛ ХООРОНДЫН АНХДУГААР ЗӨВЛӨЛДӨХ УУЛЗАЛТЫН ТУХАЙ

2019 оны 04 сарын 19

           Монгол Улсын Зэвсэгт хүчний Агаарын цэргийн командлал,  Энэтхэг-Номхон далай дахь АНУ-ын Агаарын хүчний командлал хоорондын анхдугаар зөвлөлдөх уулзалт 2019 оны 03 дугаар сарын 26-28-ны өдрүүдэд АНУ-ын Хавай муж дахь Сувдан Эрэг-Хикам нэгдсэн баазын Алоха хурлын танхимд амжилттай болж өнгөрлөө. Зөвлөлдөх уулзалтыг Монгол Улсын талаас Зэвсэгт хүчний Агаарын цэргийн командлагч бригадын генерал О.Энхбаяр, АНУ-ын талаас Номхон далай дахь АНУ-ын Агаарын хүчний командлагчийн орлогч хошууч генерал Мак нар удирдлаа.

         Уулзалтад Монгол Улсын БХЯ, ЗХЖШ, Агаарын цэргийн командлал, Энэтхэг-Номхон далай дахь АНУ-ын Агаарын хүчний командлал, Аласка дахь Агаарын хүчний Үндэсний Гварди, АНУ-ын Агаарын хүчний Номлолын төв, Гуам дахь Агаарын цэргийн түргэн байрлах хүчин, Батлан хамгаалах засаглалын менежментийн алба, Тусгай ажиллагааны командлал, АНУ-аас Монгол Улсаас суугаа ЭСЯ-ны дэргэдэх батлан хамгаалахын атташегийн албаны төлөөллүүд оролцлоо.

         Зэвсэгт хүчний Агаарын цэргийн командлагч бригадын генерал О.Энхбаяр, Номхон далай дахь АНУ-ын Агаарын хүчний командлагчийн орлогч хошууч генерал Мак нар зөвлөлдөх уулзалтыг нээж, цаашид хоёр орны Агаарын хүчний хамтран ажиллах чиглэлийг тодорхойлох, хамтарсан сургалт, дадлага зохион байгуулах,  туршлага солилцох, цэргийн хамтын ажиллагааг хөгжүүлэх шинэ үеийг эхлүүлж байгааг онцолсон.

        Энэтхэг-Номхон далай дахь АНУ-ын Агаарын хүчний командлалын Номлолын төвийн захирал Бамберг АНУ-ын Агаарын хүчний бодлого, номлол, үзэл баримтлалын талаар дэлгэрэнгүй танилцуулга хийж, эдгээр баримт бичгүүдийн зорилго, агуулга, ач холбогдлын талаар тайлбарлаж, тэдгээрийг боловсруулахад анхаарах асуудлуудын талаар дэлгэрэнгүй мэдээлэл өглөө.

        Зөвлөлдөх уулзалтыг хоёр талын бүрэлдэхүүнийг багтаасан ажлын хэсгүүдийг томилж, , Агаарын цэргийг хөгжүүлэх, ажиллагааны боломж, ажиллагааны дэмжлэг, хангалтыг хэрхэн зохион байгуулах зэрэг асуудлаар харилцан мэдээлэл хийж, туршлага солилцож цаашид хамтран хэрэгжүүлэх арга хэмжээний ажлын зураг гаргалаа.

       Тухайлбал, Агаарын цэргийн командлалын Ажиллагааны удирдлагын хэлтсийн дарга хурандаа Т.Ганбат Монгол Улсын Зэвсэгт хүчний Агаарын цэргийн түүх, хууль эрх зүйн орчин, хуулиар хүлээсэн үүрэг, Монгол-АНУ-ын Агаарын хүчнүүдийн харилцааны өнөөгийн байдал, цаашдын харилцаа, хамтын ажиллагааг хөгжүүлэх талаар дэлгэрэнгүй мэдээлэл хийлээ.

        Гуам дахь АНУ-ын Агаарын хүчний 36 дугаар түргэн байрлах хүчний ажиллагааны газрын ажилтан хошууч Смит түргэн байрлах хүчнээс, хариуцлагын бүсийн агаарын орон зайн хяналт, бүс нутгийн орнуудад хүмүүнлэгийн болон гамшиг ослын дараах сэргээн босгох ажиллагаануудыг хэрхэн зохион байгуулдаг, аэродромын засвар, үйлчилгээ, аюулгүй байдлыг хангах арга хэмжээ, агаарын тээврийг хэрхэн зохион байгуулдаг талаар мэдээлэл хийж, цаашид энэ чиглэлүүдэд хамтран ажиллах боломжуудын талаар танилцуулсан. Эмнэлгийн офицер хошууч Жунг Агаарын хүчний эмнэлэгийн хангалтыг зохион байгуулах, эмнэлгийн татан гаргалт, өвчтөн, шархтан тээвэрлэх, хээрийн эмнэлэг дэлгэн байгуулах, агаар сансрын сэтгэл зүй, бие бүрэлдэхүүний эрүүл мэндийг хамгаалах чиглэлээр танилцуулга хийж, цаашид хамтарсан сургалт, дадлага явуулж, хамтын ажиллагаагаа өргөжүүлэх хүсэлтэй байгаагаа илэрхийлсэн.

         Гэх мэтчилэн агаарын цэргийн ар тал хангалтыг зохион байгуулах, аэродромын болон нислэгийн аюулгүй байдлыг хэрхэн хангах талаар хоёр талаас харилцан мэдээлэл хийж, туршлага солилцсон халуун дотно уур амьсгалд уулзат болж өнгөрлөө.

         Арга хэмжээний төгсгөлд зөвлөлдөх уулзалтын тэмдэглэлийг эцэслэн хэлэлцэж, цаашдын хамтын ажиллагааны ажлын зургийг гаргаж, хоёр талын санал хүсэлтийг тусган, нэгдсэн протокол үйлдэн Монгол Улсын талаас Зэвсэгт хүчний Агаарын цэргийн командлагч бригадын генерал О.Энхбаяр, АНУ-ын талаас Энэтхэг-Номхон далай дахь АНУ-ын Агаарын хүчний командлагчийн орлогч хошууч генерал Мак нар гарын үсэг зурснаар зөвлөлдөх уулзалт өндөрлөсөн.

            Зөвлөлдөх уулзалтын төгсгөлд Зэвсэгт хүчний Агаарын цэргийн командлагч бригадын генерал О.Энхбаяр Энэтхэг-Номхон далайн АНУ-ын Агаарын хүчний командлалын хэвлэл мэдээллийн албанаас хийсэн телевизийн ярилцлагад орж уулзалтын ач холбогдол, түүнээс гарах үр дүн, хамтын ажиллагааны цаашдын чиглэлийн талаар мэдээлэл хийж, хоёр тал харилцан бэлэг, дурсгалын зүйл солилцлоо.

           Ийнхүү Монгол Улсын Зэвсэгт хүчний Агаарын цэргийн командлал,Энэтхэг-Номхон далай дахь АНУ-ын Агаарын хүчний командлал хоорондын анхдугаар зөвлөлдөх уулзалт амжилттай болж өнгөрлөө.

          Уг зөвлөлдөх уулзалт нь хоёр орны Агаарын цэргийн хамтын ажиллагааны цаашдын чиг хандлагыг тодорхойлж, хамтын ажиллагааны замын зургийг гаргасан, харилцан ажиллагааны бусад чиглэлүүдийг нээсэн, харилцан бие биенээсээ суралцах нөхцөл бололцоог бүрдүүлсэн зэрэг ач холбогдолтой болсныг тэмдэглэх нь зүйтэй байна.

Эх сурвалж: "АГААРЫН ЦЭРГИЙН КОМАНДЛАЛ"

 


Сүүлд нэмэгдсэн
МОНГОЛ УЛСЫН ЭНХИЙГ САХИУЛАГЧИД ҮҮРЭГ ГҮЙЦЭТГЭЛТ САХИЛГА ЗОХИОН БАЙГУУЛАЛТААРАА ҮЛГЭР ДУУРИАЛАЛ БОЛЖ БАЙНА

2019 оны 10 сарын 11

ЗЭВСЭГТ ХҮЧНИЙ ЖАНЖИН ШТАБЫН ДАРГА Д.ГАНЗОРИГТ ХОШУУЧ ГЕНЕРАЛ ЦОЛ ОЛГОЛОО

2019 оны 10 сарын 10

МОНГОЛ УЛСЫН ЕРӨНХИЙЛӨГЧИЙН ЗАРЛИГААР ЗЭВСЭГТ ХҮЧНИЙ 124 ДҮГЭЭР АНГИЙГ ЦЭРГИЙН ГАВЬЯАНЫ ОДОНГООР ШАГНАВ

2019 оны 10 сарын 09

УУЛЫН ЯВГАН ЦЭРГИЙН СУРГАЛТ ЯВАГДАЖ БАЙНА

2019 оны 10 сарын 07

ЗЭВСЭГТ ХҮЧНИЙ ЖАНЖИН ШТАБЫН ДАРГААР БРИГАДЫН ГЕНЕРАЛ Д.ГАНЗОРИГ ТОМИЛОГДЛОО

2019 оны 10 сарын 04

АФГАНИСТАНД ҮҮРЭГ ГҮЙЦЭТГЭХ ЦЭРГИЙН БАГ ЗЭВСЭГТ ХҮЧНИЙ ЖАНЖИН ТУГАНД ХҮНДЭТГЭЛ ҮЗҮҮЛЛЭЭ

2019 оны 10 сарын 02

ЗЭВСЭГТ ХҮЧНИЙ УДИРДЛАГУУД АХМАДУУДДАА ХҮНДЭТГЭЛ ҮЗҮҮЛЛЭЭ

2019 оны 09 сарын 30

ЕРӨНХИЙЛӨГЧ Х.БАТТУЛГА БАРИЛГЫН ЦЭРГИЙН 017 ДУГААР АНГИЙГ БҮТЭЭН БАЙГУУЛАЛТЫН АЖИЛД МАНЛАЙЛАН ОРОЛЦОХ АСУУДАЛД АНХААРЧ АЖИЛЛАХЫГ ҮҮРЭГ БОЛГОЛОО

2019 оны 09 сарын 30

Б.БАТ-ЭРДЭНЭ: ЭНХИЙГ САХИУЛАХ АЖИЛЛАГААНД ҮҮРЭГ ГҮЙЦЭТГЭСЭН АЛБА ХААГЧДАД НҮБ-ААС ЦАЛИН ОЛГОДОГГҮЙ

2019 оны 09 сарын 25

БАТЛАН ХАМГААЛАХ САЛБАР ТӨВ ТАЛБАЙД ҮЙЛ АЖИЛЛАГААГАА СУРТАЛЧИЛЛАА

2019 оны 09 сарын 25

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019