КАТАР УЛСАД ЯВАГДСАН ОЛОН УЛСЫН СУРГУУЛЬД МАНАЙ АЛБА ХААГЧИД АМЖИЛТТАЙ ОРОЛЦЛОО

2019 оны 04 сарын 16

            Катар Улсад зохион байгуулагдсан “Хамтын ажиллагаа” олон улсын хээрийн сургуульд Монгол Улсын Зэвсэгт хүчний 084 дүгээр ангийн захирагч, хурандаа Б.Хаш-Эрдэнээр ахлуулсан Монгол Улсын Зэвсэгт хүчний мотобуудлагын рот амжилттай оролцсон мэдээ ирлээ. Энэхүү сургуульд Монгол Улс, АНУ, БНТУ, Катар улсын Зэвсэгт хүчин хамтран оролцсон бөгөөд Оман, Кувейт Улсын Хуурай замын цэргийн хүчний бүрэлдэхүүн ажиглагчаар оролцжээ. “Хамтын ажиллагаа” олон улсын сургууль нь газар орныг үнэлэх, удирдлага холбоог зохион байгуулах, орчин үеийн зэвсэглэл техник хэрэгсэлтэй танилцах, команд штабын сургууль явуулах гээд хэд хэдэн үе шаттайгаар явагдсан байна.

          Харилцан туршлага солилцох энэ сургуулийн хаалтын арга хэмжээнд ЗХЖШ-ын нэгдүгээр орлогч дарга, хошууч генерал Р.Сүхбат тэргүүтэй төлөөлөгчид оролцож, Катар Улсын ЗХЖШ-ын дарга, дэслэгч генерал Ганим Бин Шахеен Аль Ганимтай уулзалт хийн, хоёр орны цэргийн харилцаа, хамтын ажиллагааны талаар санал солилцсон байна.

Эх сурвалж: "Соёмбо" сонин


Сүүлд нэмэгдсэн
Видео
Дэлхийн цаг
Монгол
Афганистан
Өмнөд Судан
Статистикс

Мэдээлэлүүд: 1215

Веб холбоос: 9

Нийт зураг: 221

Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019