ШИНЭ ОФИЦЕРУУДЫГ ЗЭВСЭГТ ХҮЧНИЙ АНГИ, САЛБАРТ ТОМИЛЛОО

2019 оны 09 сарын 09

            2019 онд ҮБХИС-ийн Цэргийн нэгдсэн сургууль, Цэргийн хөгжмийн сургуулийг амжилттай төгссөн сонсогч нарт ЗХЖШ-ын даргын тушаалаар дэслэгч цол олгож, Зэвсэгт хүчний анги, салбаруудад томиллоо. Цол олгох, Зэвсэгт хүчний анги, салбарт томилох ёслолын арга хэмжээнд ЗХЖШ-ын Ажиллагааны удирдлагын газрын дарга, бригадын генерал Д.Ганзориг, Зэвсэгт хүчний Хуурай замын цэргийн штабын дарга, хурандаа С.Дашзэвэг, Зэвсэгт хүчний Агаарын цэргийн штабын дарга, бригадын генерал Б.Батбаяр, ЗХЖШ-ын Хүний нөөцийн хэлтсийн даргын албан үүргийг түр орлон гүйцэтгэгч, хурандаа Н.Гантөмөр нарын албаны хүмүүс оролцсон юм.

                 Шинэхэн офицеруудад бригадын генерал Д.Ганзориг баяр хүргэж, амжилт хүссэн. Тэрээр "Зэвсэгт хүчний эгнээнд орж байгаа та бүхэнд баяр хүргэе. Одоо та бүхэнд дөрвөн жилийн хугацаанд эрдэмтэн багш нараасаа олж авсан мэдлэгээ цэргийн албанд хэрэгжүүлэх боломж тохиож байна. Цэргийн амьдрал дээр омогших, бахархах олон сайхан зүйлс тохиохын зэрэгцээ сэтгэлийн тэсвэр тэвчээр, хатуужил шаардсан асуудал ч таарна. Энэ бүхнийг давсаны дараа та жинхэнэ офицер болно. Түүнээс өнөөдөр дэслэгч цол авснаараа офицер болохгүй. Томилогдон очсон анги, салбартаа мэдлэг, ур чадвар, ажлын үүрэг гүйцэтгэлээрээ үргэлж манлайлагч нь байж, доорх цэргүүддээ, дээрх удирдлагууддаа түшигтэй яваарай. Зэвсэгт хүчин хэн сайн ажиллана, түүнийг дэмжиж, дараагийн сургуульд сургаж, бэлтгэдэг юм шүү.

             Та бүхний өмнө асар их ирээдүй байна. Эрхэм дэслэгч та бүхэн өргөсөн тангарагтаа үнэнч байж, албандаа хоёргүй сэтгэлээр хичээж ажиллаарай" гэсэн юм. Мөн томилогдсон шинэ офицеруудыг төлөөлж, ҮБХИС-ийг онц дүнтэй дүүргэсэн, дэслэгч Э.Баяржаргал "Мөрдэс нэгт нөхөддөө сургуулиа амжилттай төгсөж, Зэвсэгт хүчин хэмээх том өрх айлын нэг гишүүн болж байгаа явдалд баяр хүргэе" гээд бид бүхэн Зэвсэгт хүчний нэр хүндийг өндөрт өргөж явна гэдгээ илэрхийллээ.

Эх сурвалж: "Соёмбо" сонин


Сүүлд нэмэгдсэн
ЦЭНХЭР ДУУЛГАТНУУД “ДАНКОН“ МАРШИД АМЖИЛТТАЙ ОРОЛЦЛОО

2019 оны 11 сарын 07

Б.БААСАНСҮРЭН: ЭНЭ ДЭЛХИЙН ХАМГИЙН САЙХАН ҮГ, ЭЛБЭРЭЛ, ГЭГЭЭН САЙХАН БҮХНИЙ ИЛРЭЛ, ЭРХЭТ ОРЧЛОНД ЭХЭЭС МЭНДЭЛСЭН ХҮН БҮХНИЙ ЗҮРХНИЙ ДУУДЛАГА БОЛ ЭЭЖ ГЭДЭГ ҮГ ЮМ

2019 оны 11 сарын 05

ХУРАНДАА ЦОЛ ОЛГОВ

2019 оны 11 сарын 02

ЦЭНХЭР ДУУЛГАТНУУД СУРГАЛТАД СУУЖ МӨН НҮБ-ЫН ӨДРИЙГ ТЭМДЭГЛЭН ӨНГӨРҮҮЛЛЭЭ

2019 оны 11 сарын 02

ЗХЖШ-ЫН ДЭРГЭДЭХ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛИЙН АРВАНЕСДҮГЭЭР ХУРАЛДААН

2019 оны 11 сарын 01

Д.САМДАНЖАМЦ: ӨРХ ТОЛГОЙЛСОН ЭМЭГТЭЙД ИЖ БҮРЭН ГЭР БЭЛЭГЛЭХ АЯНЫГ САНААЧИЛСАН МААНЬ ЭХ ОРНЫХОО ТӨЛӨӨ ХИЙЖ БУЙ ЗҮЙЛ ЮМ

2019 оны 10 сарын 29

2019 ОНД ЦЭРГИЙН АЛБА ХААГЧ, ИРГЭДЭЭС ЗЭВСЭГТ ХҮЧНИЙ ЖАНЖИН ШТАБЫН АЛБАН ТУШААЛТНУУДАД ХАНДАЖ ИРҮҮЛСЭН ӨРГӨДӨЛ, ГОМДЛЫН ШИЙДВЭРЛЭЛТИЙН БАЙДАЛ

2019 оны 10 сарын 26

ӨРГӨДӨЛ, ГОМДОЛ ХҮЛЭЭН АВАХ ЖУРАМ

2019 оны 10 сарын 25

ЕРӨНХИЙЛӨГЧ Х.БАТТУЛГА ЗАСГИЙН ГАЗАР, УИХ-ЫН ГИШҮҮДИЙН ХАМТ ТАВАНТОЛГОЙ-ЗҮҮНБАЯН ЧИГЛЭЛИЙН ТӨМӨР ЗАМЫН БҮТЭЭН БАЙГУУЛАЛТЫН АЖЛЫН ЯВЦТАЙ ТАНИЛЦЛАА

2019 оны 10 сарын 25

ЗХЖШ-ЫН ДЭРГЭДЭХ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛИЙН АРВАННАЙМДУГААР ХУРАЛДААН

2019 оны 10 сарын 17

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019