МОНГОЛ УЛСЫН ЗХЖШ-ЫН ДАРГА, ХОШУУЧ ГЕНЕРАЛ А.ГАНБАТ ОХУ-Д АЛБАН ЁСНЫ АЙЛЧЛАЛ ХИЙЖ БАЙНА

2019 оны 08 сарын 18

              ОХУ-ын ЗХЖШ-ын дарга, Батлан хамгаалахын нэгдүгээр орлогч сайд, армийн генерал В.В.Герасимовын урилгаар Монгол Улсын ЗХЖШ-ын дарга, хошууч генерал А.Ганбат энэ сарын 15-17-ны өдрүүдэд ОХУ-д албан ёсны айлчлал хийж байгаа бөгөөд наймдугаар сарын 16-ны өдөр ОХУ-ын ЗХЖШ-ын дарга, Батлан хамгаалахын нэгдүгээр орлогч сайд, армийн генерал В.В.Герасимов Батлан хамгаалах яамнаа хүлээн авч уулзлаа. Түүнийг дагалдан Монгол Улсын Батлан хамгаалах яамны Гадаад хамтын ажиллагааны газрын зөвлөх, хурандаа Г.Лүндэн, ҮБХИС-ийн Тэргүүн дэд захирал, хурандаа Д.Баасандамба, Монгол Улсаас ОХУ-д суугаа Батлан хамгаалахын атташе, бригадын генерал Г.Энхбаатар, дэд хурандаа Г.Одбаяр нар байлцлаа.

          Уулзалтын эхэнд хоёр улсын зэвсэгт хүчний хамтын ажиллагаа амжилттай хөгжсөөр байгаад сэтгэл ханамжтай байгааг хоёр тал дурьдаад, цаашдын хамтын ажиллагаагаа өргөжүүлэн хөгжүүлэхэд санал нэгтэй байгаагаа онцлон тэмдэглэлээ.
Тодруулбал Монгол Улсын ЗХЖШ-ын дарга, хошууч генерал А.Ганбат хэлсэн үгэндээ: “ Манай хоёр улсын хооронд байгуулсан цэрэг техникийн хамтын ажиллагааны хүрээнд Монгол улсын зэвсэгт хүчинд тодорхой хэмжээний зэвсэг техникийг нийлүүлдэг. Мөн Монгол Улсын цэргийн алба хаагчдыг ОХУ-ын Батлан хамгаалах яамны цэргийн академи, их дээд сургуулиудад хөнгөлөлттэй нөхцлөөр болон буцалтгүй тусламжийн журмаар сурган бэлтгэж ирсэнд талархаж байна” гэдгээ илэрхийлсэн.

          Түүнчлэн Монгол Улсын зэвсэгт хүчний зэвсэглэл техникийг шинэчлэн сайжруулахад шаардлагатай байгаа асуудлуудын талаар болон Монголын цэргийн алба хаагчдыг тогтмол суралцуулах, Монгол Улсын зэвсэгт хүчин, ОХУ-ын Дорнодын цэргийн тойргийн хамтын ажиллагааг улам өргөжүүлэх зэрэг асуудлаар харилцан ярилцсан бөгөөд цаашид 2 талаасаа дэмжиж ажиллахаар тохиролцов. Уулзалтын төгсгөлд ОХУ-ын ЗХЖШ-ын дарга, армийн генерал В.В.Герасимовыг тааламжтай цагтаа Монгол Улсад айлчлахыг хүндэтгэн урилаа.

           Тийнхүү ЗХЖШ-ын дарга, хошууч генерал А.Ганбатын ОХУ-д хийсэн албан ёсны айлчлал энэ сарын 17-ны өдөр Москва хотноо болох Олон Улсын цэргийн наадмын хаалтын арга хэмжээнд оролцсоноор өндөрлөх юм.
Эх сурвалж: “ДУУЛГА”студи. 2019.08.16 Москва. Б.Сарнай.


Сүүлд нэмэгдсэн
ЦЭНХЭР ДУУЛГАТНУУД “ДАНКОН“ МАРШИД АМЖИЛТТАЙ ОРОЛЦЛОО

2019 оны 11 сарын 07

Б.БААСАНСҮРЭН: ЭНЭ ДЭЛХИЙН ХАМГИЙН САЙХАН ҮГ, ЭЛБЭРЭЛ, ГЭГЭЭН САЙХАН БҮХНИЙ ИЛРЭЛ, ЭРХЭТ ОРЧЛОНД ЭХЭЭС МЭНДЭЛСЭН ХҮН БҮХНИЙ ЗҮРХНИЙ ДУУДЛАГА БОЛ ЭЭЖ ГЭДЭГ ҮГ ЮМ

2019 оны 11 сарын 05

ХУРАНДАА ЦОЛ ОЛГОВ

2019 оны 11 сарын 02

ЦЭНХЭР ДУУЛГАТНУУД СУРГАЛТАД СУУЖ МӨН НҮБ-ЫН ӨДРИЙГ ТЭМДЭГЛЭН ӨНГӨРҮҮЛЛЭЭ

2019 оны 11 сарын 02

ЗХЖШ-ЫН ДЭРГЭДЭХ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛИЙН АРВАНЕСДҮГЭЭР ХУРАЛДААН

2019 оны 11 сарын 01

Д.САМДАНЖАМЦ: ӨРХ ТОЛГОЙЛСОН ЭМЭГТЭЙД ИЖ БҮРЭН ГЭР БЭЛЭГЛЭХ АЯНЫГ САНААЧИЛСАН МААНЬ ЭХ ОРНЫХОО ТӨЛӨӨ ХИЙЖ БУЙ ЗҮЙЛ ЮМ

2019 оны 10 сарын 29

2019 ОНД ЦЭРГИЙН АЛБА ХААГЧ, ИРГЭДЭЭС ЗЭВСЭГТ ХҮЧНИЙ ЖАНЖИН ШТАБЫН АЛБАН ТУШААЛТНУУДАД ХАНДАЖ ИРҮҮЛСЭН ӨРГӨДӨЛ, ГОМДЛЫН ШИЙДВЭРЛЭЛТИЙН БАЙДАЛ

2019 оны 10 сарын 26

ӨРГӨДӨЛ, ГОМДОЛ ХҮЛЭЭН АВАХ ЖУРАМ

2019 оны 10 сарын 25

ЕРӨНХИЙЛӨГЧ Х.БАТТУЛГА ЗАСГИЙН ГАЗАР, УИХ-ЫН ГИШҮҮДИЙН ХАМТ ТАВАНТОЛГОЙ-ЗҮҮНБАЯН ЧИГЛЭЛИЙН ТӨМӨР ЗАМЫН БҮТЭЭН БАЙГУУЛАЛТЫН АЖЛЫН ЯВЦТАЙ ТАНИЛЦЛАА

2019 оны 10 сарын 25

ЗХЖШ-ЫН ДЭРГЭДЭХ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛИЙН АРВАННАЙМДУГААР ХУРАЛДААН

2019 оны 10 сарын 17

Видео
Дэлхийн цаг
Монгол
Афганистан
Өмнөд Судан
Сайтын тоолуур
Холбоотой байгууллагууд




Бүх эрх хуулиар баталгаажсан. Зэвсэгт хүчний Жанжин штаб. © 2019